За Вардар

Започна се од група млади ентузијасти и вљубеници во ватерполото, кога ватерполото во Македонија беше на самото дно. Имавме визија да создадеме клуб кој ќе биде синоним на пливањето, ватерполото и општо водата и водните спортови, со цел Вардар да биде синоним на успешност на градот Скопје и државата.
Синоним на пожртвувана работа, многу труд и големи амбиции, низ годините покажавме како може да успее и да заживее една убава приказна во која се вложило многу труд, љубов и знаење собрано во текот на нашите кариери. Денеска Вардар 8 брои преку 150 деца како и преку 8 стручни тренери, со квалитетн систем и методологија на работа, систем кој докажано создава нови шампиони не само во ватерполото туку и во пливањето.
Ние сме единствен клуб во државата што паралелно работиме пливање и ватерполо и остваруваме успеси и на двете полиња. Голема е и честа што можеме да се пофалиме и дека сме единствен клуб кои работи и има подрачна единица и во градот Куманово каде го имплементираме нашиот систем и методологија на работа заедно со локалната самуправа во градот.
Горди сме на тоа што работиме на проект кој ќе го направи градот Куманово успешен град во пливањето и ватерполото. Секако сме далеку од крајната цел, нашата цел е Македонија да има пливање и ватерполо секаде каде што има базен и услови истото да се имплементира и ќе се бориме со сите наши сили тоа да го реализираме!